106
REGISTRES DU BUREAU
[i5o5]
tement esté advertiz, avoient et ont trés bien com­mancé à proceder à lad. refformation, et jusques à ce que les Cordeliers du grant couvent Saint Fran­çois de nostred, ville et cité ou aucuns d'eulx, ne scet on à quelz fins, se sont efforcez et efforcent en­cores d'empescher lad. refformation, dont n'avons esté ne sommes aucunement contans : car pour au­tant que lad. refformation redonde au bien, prouffit et utilité dud. Hostel Dieu et des pauvres qui y sont et affluent ordinairement, nous desirons qu'elle soit parachevée sans contredit ou difficulté.
A cesle cause voulons et vous mandons trés expres­sement que, en ensuivant nostre vouloir, vous tenez main à ce que lad. refformation soit faicte et entie­rement parachevée sans souffrir que aucun trouble ou empeschement y soit fait et donné au contraire, car nous serions trés desplaisans se lad. refforma­tion estoit interrompue, comme plus à plain vous dira nostre cher et feal s" de Graville, admirai de France'1', auquel nous escripvons presentement vous en parler, comme celuy qui a sceu et entendu nostre vouloir et intencion touchant ceste matiere, par quoy vous le croierez de ce qu'il vous en declai­rera de nous, et n'y ferez faulte : car tel est nostre plaisir.
"Donné à Bloys, le xi0 jour d'Avril, n
Signé : LOYS.
Robertet.
Ensuit la teneur d'autres lettres du Roy nostred. sr touchant led. Parlouer aux Bourgois :
2 4 mars. "De par le Ror.
"Trés chers et bien amez, vous povez avoir veu de ceste heure les lettres de don que avons fait aux re­ligieux, prieur et couvent des Freres Prescheurs de . nostre bonne ville de Paris, de certaine vielle mu­raille pour le croissemenl de leur couvent, et aussi par les lettres que vous avons expressément escriptes le vouloir et affection que avons qu'ils en joissent entierement; ce neantmoingtz, nous avons esté ad­vertiz que encores n'y avez fait aucune chose, dont ne nous povons assez esmerveiller '2'.
Par quoy, et que de plus en .plus nous desirons singulieremant qu'ilz puissent apliquer lad. vielle muraille à l'augmentacion et acroissement de leurd, eglise, nous vous en avons bien voulu escripre et advertir, en vous priant et mandant bien acertes que de vostre part consentez à ce qu'ilz joissent de nos­tred, don sans plus délayer ne dissimuler la matiere en façon que ce soit, et tant y faictes qu'ilz n'aient plus cause d'en renvoier par devers nous; et de ce que y aurez [faict] nous advertissez par nostre amé et feal conseiller et confesseur ordinaire frere Jehan Clerée, lequel nous envoyons expressement par delà pour ceste cause, vous advisant que en ce fai­sant, vous nous ferez trés grand et agreable plaisir, que nous recongnoistrons envers vous quant d'au­cunes choses nous vouldrez requerir.
"Donné à Bloys, le xxiiii0 jour de Mars.»
Ainsi signé : LOYS.
Rorertet (3).
CLXXXVI. — Marchie' fait à Jaques Courbet, touchant le parfait de la maçonnerie du pont.
7 avril i5o5.(Fol. i35 r0.)!-)
C'est la maniere et devis de proceder au parachèvement du pont Nostre Dame ainsi que Fon a encommancé de le faire.
"Et premierement, fault démolir une assise de chascun piller, et la restablir et remaçonner, comme les deux piliers qui sont ja faiz.
"Item, démolir la maçé du costé Saint Denis de la Chartre de sept à huit assizes de hault sur le de­vant, et retailler Jes pierres pour parvenir au cintre,
et les remaçonner, en ensuivant la deliberacion(5).
"Item, faut rehausser la masse du costé Saint Ja­ques de la Boucherie, el les trois piliers dudit costé de la haulteur des autres; et en ce faisant, soustenir le pont de boys en icelle maniere qu'il n'en puisse avenir inconvenient.
"Item, hauser en oultre lesd, deux masses d'une haulteur et telle qui sera advisé pour le mieulx.
"Item, fault voulter chascune arche dudit pont à plain cintre, ainsi qu'i sera baillé aux ouvriers. El
'■) Voy. la note de la page 32.
<-' Sur ces lettres ici rappelées, voyez la note 3 dé la page io3.
(3)   Au Registre, vient ensuite notre art. CLXXXVII ci-dessous, en date du 2 mai.
(4)   Au Registre, cet art. suit immédiatement notre n° CLXXXIl ci-dessus, daté du 3 mars, el précède noire art. CLXXXIV da té d u 5 avril. (-) Ci-dessus art. CIX, 11 septembre i5oi.